أحمد جمال يكتب: الدم و الطفلة فى صناعة البترول

أحمد جمال

زى ما الإنسان ميقدرش يعيش من غير دم ، هكذا مقدرش احفر بئر البترول من غير طفلة

إذن ما هو Mud ( طفلة ) وما هى أنواعه واستخداماته؟

بنظرة مبدأية هو أنا بستخدم الطفلة  ليه؟

علشان اخلق Hydrostatic pressure بالإضافة إنها بتستخدم للتبريد وللتزييت في جزء رأس الحفارة.

إيه بقي أنواع ال Drilling Fluids ديه:

هنلاقي عندنا 3 أنواع رئيسية:

1)Water-Based Muds (WBs)

2)Oil-Based Muds (OBs)

3)Gaseous Drilling Muds

المشهور عندنا في الاستخدام هو oil-based لأنه من الممكن استخدامه في درجات الحرارة المرتفعة وكمان في الطبقات الحساسة أثناء استخراج الماء، وممكن نستخدم خليط بين رقم 1 ورقم 2.

الإضافات التى تتم إليها حسب عمق البئر :

1)Weighting Materials:

المواد ديه بتستخدم لمعايرة كثافة السائل وعلى أساسها بقدر أحسب ال Hydrostatic pressure (P=rgh) عشان أتجنب تغيرات الضغط المفاجئة بالاضافة كمان لمنع حدوث أي Blowouts وكمان منع أي تسرب لل fluid ما بين الطبقات… ومن أشهر المواد المستخدمة ف الموضوع ده هو كبريتات الباريوم (Barite). لكن أغلب المواد المستخدمة بتكون corrosive عشان كدة يفضل اننا نستخدم inhibitors.

2)Fluid loss additives:

المواد ديه بيتم إضافتها للحفاظ على ال fluids في البير عشان ميتمش أي فقد في الكمية وفي الغالب بتكون المواد ديه عبارة عن بوليمرات ، وأشهر المواد المستخدمة هي ال bentonite.

3)Thinners&Dispersants:

وبيتم إضافتهم عشان نمنع إن الطين يمسك في بعضه ويبقى كتلة واحدة وبالتالي هنواجه صعوبة في ضخ ال Mud للبير لما يبقى كتلة ، ومن أمثلة المواد دي هي البوليمرات الصناعية زي grade 6 (البولي ستايرين).

4)Bactiricides:

بيتم إضافة مواد تمنع نمو البكتريا اللي ممكن تسبب corrosion أو تسد المسام زي هيدروكسيد الصوديوم.

5)PH control:

ونفس القصة هنا عشان نمنع ال corrosion ويمنع حدوث أي تفاعل بين ال mud والمعادن اللي موجودة ف البير.

6)Emulsifiers:

بيتم إضافة بعض أنواع ال surfactants

7)Scale inhibitors:

عشان نمنع تكون أملاح الكالسيوم غير الذئبة اللي هتسبب تلامس بين ال mud وال fluid.

8)بيتم إضافة كمية من الأحماض سواء المعدنية أو العضوية عشان تسبب إذابة لمواد الكربون الموجودة ف البير لكن هنلاحظ ان الأحماض العضوية بتسبب corrosion أقل من الأحماض المعدنية.